முத்து என்கிற காட்டான் வெற்றி விழா !!*
விஜய் சேதுபதி புரொடக்ஷன்ஸ் சார்பில் ஜியோ ஹாட் ஸ்டார் ஒரிஜினல்ஸ் படைப்பாக, இயக்குநர் மணிகண்டன் தலைமையில், மக்கள் செல்வன் விஜய் சேதுபதி நடிப்பில், B. அஜித் குமார், M. மணிகண்டன் இணைந்து இயக்க, மாறுபட்ட களத்தில் உருவான சீரிஸ், “முத்து என்கிற காட்டான்”.
ஜியோ ஹாட்ஸ்டார் தளத்தில், 2026 மார்ச் 27 ஆம் தேதி வெளியான இந்த சீரிஸ் ரசிகர்கள் மற்றும் பொதுமக்கள் மத்தியில் பெரும் வரவேற்பைப் பெற்று, மிகப்பெரிய வெற்றியைப் பெற்றுள்ளது. வெளியான குறுகிய காலத்தில், மிகப்பெரிய அளவிலான பார்வையாளர்களைப் பெற்று சாதனை படைத்துள்ளது.
படக்குழுவினர் அனைவரும் இணைந்து கேக் வெட்டி இந்த வெற்றியைக் கொண்டாடியுள்ளனர்.
இந்நிகழ்வினில்..
மக்கள் செல்வன் விஜய் சேதுபதி பேசியதாவது..,
இந்த புராஜக்ட் எனக்கு ரொம்ப சந்தோஷமான அனுபவம். நாங்க பண்ணுற வேலை எல்லாருக்கும் நிறைவாக இருக்கனும் என்று தான் நானும் மணிகண்டனும் திட்டமிட்டோம். இடையில் இது நின்று விட்டது என்ற நிலை வந்த போதும், அதுவாக மீண்டும் நடந்து இந்த இடத்தை வந்தடைந்திருப்பது எனக்கு மிகப்பெரிய மகிழ்ச்சி.
இந்தக் கதையில் வரும் ஒவ்வொரு கதாபாத்திரத்துக்கும் தனி கதை இருக்கு. ஒவ்வொரு காட்சியும் ஒரு வாழ்க்கையைச் சொல்லும் மாதிரி இருக்கும். அதுதான் இந்த புராஜக்டை எனக்கு ரொம்ப ஸ்பெஷல் ஆக்குது. இந்தக் கதாபாத்திரம் ஒரு சாதாரண மனிதனோட வாழ்க்கையை பிரதிபலிக்குது. எந்த பெரிய விஷயங்களும் இல்லாமல், சிம்பிளான வாழ்க்கையிலேயே எவ்வளவு அழகு இருக்குன்னு காட்டுது.
இயக்குநர் மணிகண்டன் தான் அஜித்குமாரை அறிமுகப்படுத்தினார். இந்த படைப்பில் உழைத்த அத்தனை பேரும் முழு அர்ப்பணிப்போடு உழைத்தார்கள். கதை நம்ம வாழ்க்கையோட நெருக்கமாகவும் இருந்தது. அதனால அந்த கேரக்டருக்குள் போவது எனக்கு ரொம்ப ஈஸியாக இருந்தது.
முத்து மணிகண்டன் கூட்டி வந்தவர், பல வருட நட்பு நான் பொறாமைப்படும் அளவு நடிப்பை கொட்டியிருக்கிறார். வடிவேல் முருகன் என்னை ஆச்சரியப்படுத்தினார். அவர் பட விமர்சனம் செய்பவர் எப்படி நடிப்பார் என நினைத்தேன் ஆனால் அதைத்தாண்டி அசத்திவிட்டார். பார்வதியும் அவர் கதாப்பாத்திரத்தை மிகச் சிறப்பாக செய்திருந்தார்.
இந்த சீரிஸ் முழுதாக உருவாகி வந்ததற்கு Pradeep Milroy Peter (Creative Head, Hotstar Specials- Tamil ) , Senthil (Executive Producer, HotStar Specials) மிக முக்கியமான காரணம். எல்லோரையும் ஒன்றிணைத்து, அனைவருக்கும் தேவைப்பட்டதை செய்து இந்த இடத்திற்கு சீரிஸை எடுத்து வந்துள்ளார். அவருக்கு நன்றி. செட்டில் நாங்க எல்லாரும் ஒரு ஃபேமிலி மாதிரி தான் இருந்தோம். ஒவ்வொருத்தரும் ஒருத்தரை சப்போர்ட் பண்ணி தான் இந்த படைப்பை முடித்தோம். இந்த படைப்பில் பணியாற்றிய அனைவருக்கும் என் மனமார்ந்த நன்றி.
ஒளிப்பதிவாளர் சண்முக சுந்தரம் பேசியதாவது…,
“என்னைப் பற்றி சொன்னா, இந்தப் ப்ராஜெக்ட் எனக்கு ஒரு தனியான உணர்வை கொடுத்தது. இந்தப் ப்ராஜெக்ட்டை உருவாக்கி கொண்டு வந்த விதம் எனக்கு ரொம்ப நெருக்கமான அனுபவமாக இருந்தது.
விஜய் சேதுபதி மணிகண்டன் உடன் நான் பல வருடங்களாக வேலை செய்து வருகிறேன். நாங்கள் சேர்ந்து செய்த பல படங்கள் பெரிய வெற்றியை பெற்றிருக்கின்றன —
96, ஆண்டவன் கட்டளை போன்ற படங்கள் மக்களின் மனதில் இடம் பிடித்தவை.
அந்த பயணம் எனக்கு மிகவும் முக்கியமானது. முதன்முதலாக அவரை நேரில் சந்தித்த தருணம் இன்னும் நினைவில் இருக்கிறது. இந்த சீரிஸில் திருவிழா காட்சியில் அவர் நடித்த விதம் எனக்கு பெரும் வியப்பை தந்தது. நம்பிக்கையை அளித்தது. நாங்கள் நண்பர்களாக வளர்ந்தோம். அந்த நட்பு எங்கள் வேலைகளிலும் தெரியும். ஒவ்வொரு காட்சியிலும் அந்த புரிதல் வெளிப்படும்.
இந்தப் ப்ராஜெக்ட்டில் நடித்த அனைத்து நடிகர்களும் மிகச் சிறப்பாக நடித்துள்ளனர். ஒவ்வொருவரும் தங்கள் கதாபாத்திரத்தை அழகாக உயிர்ப்பித்துள்ளனர்.இப்படிப்பட்ட ஒரு நல்ல குழுவுடன் வேலை செய்தது எனக்கு பெருமையாக உள்ளது. அனைவருக்கும் என் மனமார்ந்த நன்றிகளையும் வாழ்த்துகளையும் தெரிவித்து கொள்கிறேன்.
ஒளிப்பதிவாளர் மது நீலகண்டன் பேசியதாவது..,
இந்த படத்தின் படப்பிடிப்பு அனுபவத்தையும், அந்த நினைவுகளையும் மீண்டும் நினைத்துப் பார்க்கும்போது, அது ரொம்ப செழுமையானதும், மனதை கவர்ந்ததும், மிகவும் உஷ்ணமான உணர்வுகளையும் தருகிறது. ஒவ்வொரு நாளும் செட்டில் இருந்த அனுபவம் எனக்கு மிகவும் சிறப்பாக இருந்தது. வேலை மிகவும் நன்றாக இருந்தது. குழுவில் இருந்த அனைவரும் அருமையானவர்கள்.
நான் எப்போதும் வீட்டில் இருப்பது போல ஒரு உணர்வோடு தான் இருந்தேன். அது ஒரு குடும்பத்தோடு இருப்பது போல இருந்தது. இந்த அழகான வாய்ப்பை எனக்கு கொடுத்த தயாரிப்பு நிறுவனத்திற்கும், கலைஞர்கள் மற்றும் முழு குழுவினருக்கும் என் மனமார்ந்த நன்றிகள். இந்த திட்டத்தின் ஒரு பகுதியாக இருந்ததற்கும், மீண்டும் உங்களிடம் நிற்கும் இந்த தருணத்திற்கும் நான் மிகவும் பெருமை கொள்கிறேன்.
பல்லவி பேசியதாவது..,
“இந்தப் ப்ராஜெக்ட்டில் நான் செய்தது ஒரு சிறிய பங்களிப்புதான். ஆனாலும், விஜய் சேதுபதி அவர்களின் கதாபாத்திரத்தை உருவாக்கும் வாய்ப்பு எனக்கு கிடைத்தது — அது எனக்கு ஒரு மறக்க முடியாத அனுபவம். ஒரு நாள் எனக்கு ஒரு அழைப்பு வந்தது. ‘சிரிக்கும் சேதுபதியை உருவாக்கணும்’ என்று சொன்னார்கள். நம்ம சினிமா துறையில் அது அதிகமாக செய்யப்படாத ஒரு விஷயம். அதனால் அது எனக்கு ஒரு புதிய சவாலாக இருந்தது. அந்த அனுபவம் உண்மையிலேயே அருமையானது. நான் செய்த இந்த வேலை இவ்வளவு நன்றாக அனைவராலும் ஏற்றுக்கொள்ளப்பட்டது என்பதில் எனக்கு மிகுந்த மகிழ்ச்சி. இந்த முழு தொடரும் பெரிய வெற்றியாக அமைந்தது மிகவும் சந்தோஷமாக இருக்கிறது. இன்று இங்கு என்னை அழைத்து கௌரவித்ததற்காக நான் மிகவும் பெருமைப்படுகிறேன். மிக்க நன்றி!”
நடிகர் முத்துக்குமார் பேசியதாவது..,
விஜய் சேதுபதி மற்றும் மணிகண்டன் ஆகிய இருவருடனான நட்பு எனக்கு நல்ல கேரக்டரை பெற்றுத் தந்தது. இந்தக் கதையில் என் கேரக்டர் மிகவும் முக்கியமானது. அந்த கேரக்டர் திரையில் வெளிவந்த பிறகு, என்னை பார்க்கும் மக்களின் பார்வை எனக்கு ஒரு பெரிய சந்தோஷத்தை தருகிறது. அவர்கள் அதை ரசிப்பது எனக்கு மிகுந்த மகிழ்ச்சி.
இந்த குழுவில் பணியாற்றியது ஒரு அருமையான அனுபவம். இங்கே இருந்த ஒவ்வொருவரிடமிருந்தும் நான் நிறைய கற்றுக்கொண்டேன். எல்லாருக்கும் என் மனமார்ந்த நன்றி. இந்த நேரத்தில் அஜித் குமார் சாருக்கு நான் குறிப்பாக நன்றி சொல்லணும். சார், உங்களோட ஆதரவு எனக்கு ரொம்ப முக்கியம். நீங்கள் எப்போதும் ஊக்கப்படுத்துறது எனக்கு ஒரு பெரிய வலிமை.
அதேபோல் முத்து சார், சமி சார் — உங்களோட வேலை, உங்களோட வழிகாட்டுதல் எல்லாம் எனக்கு மிகவும் உதவியாக இருந்தது. இந்த டீம்ல எல்லாரும் ஒன்றாக சேர்ந்து வேலை செய்தது ஒரு பெரிய அனுபவம். இன்னும் நிறைய நல்ல கதாபாத்திரங்கள் செய்யணும், இன்னும் பல பரிமாணங்களில் நடிக்கணும் என்ற ஆசை அதிகமாக இருக்கிறது. இந்த ப்ராஜெக்ட் அதற்கு ஒரு பெரிய உந்துதலை கொடுத்திருக்கிறது. என்னை நீங்கள் இவ்வளவு அன்போடு ஏற்றுக்கொண்டதற்கு மிக்க நன்றி!.
நடிகர் வடிவேல் முருகன் பேசியதாவது..,
“நான் வெளிச்சத்துக்கு பழகியவன் இல்ல. இந்த மாதிரி ஒரு மேடையில் நிற்பது எனக்கு பெரிய விஷயம். ஆனா என்னை நம்பி இந்த வாய்ப்பை கொடுத்ததற்கு மணிகண்டன் சார், விஜய் சேதுபதி சார், ஹாட்ஸ்டார் குழுமம் எல்லோருக்கும் நன்றி. இந்த வாய்ப்பு எனக்கு கிடைத்தது என் வாழ்க்கையில் ஒரு பெரிய முதல் படி மாதிரி. அதை நினைக்கும்போது கொஞ்சம் எமோஷனாகவே இருக்கிறது.
இந்த சீரிஸில் என்னுடன் நடித்த உழைத்த அத்தனை கலைஞர்களுக்கும் நன்றி. ஏற்றுக்கொண்ட மக்களுக்கும் ரசிகர்களுக்கும் நன்றி.
நடிகை பார்வதி பேசியதாவது..,
“எல்லாருக்கும் வணக்கம்.
நான் பேசுற இந்த தருணம், என்னோட முதல் வெற்றி விழா. இந்த வாய்ப்பை ஏற்படுத்தி கொடுத்த ஹாட்ஸ்டார் டீமுக்கு என் மனமார்ந்த நன்றி. முக்கியமாக, இந்த புராஜக்ட்டுக்கு வழிகாட்டியாக இருந்த பிரதீப் சார், கிருஷ்ணன் குட்டி சார், இயக்குநர் மணிகண்டன் அவர்களுக்கு நான் பெரிய நன்றி சொல்லணும். அவர்களோட சப்போர்ட் இல்லாம இது இவ்வளவு அழகா வந்திருக்காது. இந்தக் கதையில் ‘லலிதா’ என்ற கதாபாத்திரம் எனக்கு கிடைத்ததுக்குப் பிறகு, மக்கள் என்னைப் பார்க்கும் பார்வையே மாறி விட்டது. ‘அந்த ஊர்க்காரப் பொண்ணு மாதிரி ரொம்ப நிஜமா, அழகா செட்டாகிட்டீங்க’ன்னு சொன்னது எனக்கு ரொம்ப சந்தோஷம். என்னுள்ளே இருந்த இன்னொரு முகத்தை வெளியே கொண்டு வர இந்த வாய்ப்பு உதவியது. அதற்காக நான் ரொம்ப நன்றி.
இந்த சீரிஸில் விஜய் சேதுபதி சாருடன் நடிக்க முடியாமல் போனது வருத்தம் அடுத்தடுத்த படைப்புகளில் நடக்கும் என நம்புகிறேன். நன்றி.
ஜியோ ஹாட் ஸ்டார் சார்பில் (Executive Producer, HotStar Specials) செந்தில் பேசியதாவது..,
இப்போ நிறைய சீரிஸ்களையும், வெப் சீரிஸ்களையும் நாம பார்க்கிறோம். ஆனால் இந்த ஷோ எல்லா ஷோக்களையும் விட ஒரு சிறப்பான சீரிஸாக வந்துள்ளது.இந்த ஷோ எட்டிச்சிருக்கும் உயரம் உண்மையிலேயே பெரிய விஷயம். இது சாதாரண சக்சஸ் இல்லை மிகப்பெரிய வெற்றியைப் பெற்றுள்ளது.
இந்த சக்சஸுக்கு முக்கிய காரணம் இந்த டீம் தான். டீம் என்று சொல்ல கூடாது… இது விஜய் சேதுபதி ‘ஆர்மி’. இங்க இருக்கிற ஒவ்வொருத்தரும் தங்களுக்கென்ன வேலை செய்யணும் என்று சரியாக தெரிந்தவர்கள். அதனால தான் இந்த புராஜக்ட் இவ்வளவு வெற்றியாகி இருக்கிறது. ஹாட்ஸ்டார் டீமுக்கு என் மனமார்ந்த நன்றி. உழைத்த ஒவ்வொருவருக்கும் என் மனமார்ந்த நன்றி.
இந்த சீரிஸில் பாலிவுட் நடிகர் மிலிந்த் சோமன், சுதேவ் நாயர், இர்ஷாத் அலி, ரிஷா ஜேகப்ஸ், கலைவாணி பாஸ்கர், சிங்கம்புலி, முத்துக்குமார், பாலாஜி சக்திவேல், வடிவேல் முருகன், VJ. பார்வதி, அபி நக்ஷத்திரா உள்ளிட்டோர் முக்கிய கதாபாத்திரங்களில் நடித்துள்ளனர்.
விஜய் சேதுபதி புரொடக்ஷன்ஸ் சார்பில் ஜியோஹாட்ஸ்டார் ஒரிஜினல்ஸ் படைப்பாக, இயக்குநர் மணிகண்டன் தலைமையில் உருவாகியுள்ள இந்த சீரிஸை, B. அஜித் குமார், M. மணிகண்டன் இணைந்து இயக்கியுள்ளனர். இந்த சீரிஸ் வரும் 2026 மார்ச் 27 ஆம் தேதி முதல் ஜியோஹாட்ஸ்டார் தளத்தில் ஒளிபரப்பாகி வருகிறது.
தொழில் நுட்ப குழு
தயாரிப்பு – ஜியோ ஹாட்ஸ்டார், விஜய் சேதுபதி புரொடக்ஷன்ஸ்
இயக்குநர்கள் – B. அஜித் குமார், M. மணிகண்டன்
கதை / திரைக்கதை – M. மணிகண்டன், B.அஜித் குமார், L.A. ராஜ்குமார்
நிர்வாக தயாரிப்பாளர் (Vijay Sethupathi Productions) – VR குமார், S சந்திரசேகரன்
ஒளிப்பதிவு – N. சண்முக சுந்தரம், மது நீலகண்டன்
எடிட்டர் – B. அஜித் குமார்
இசையமைப்பாளர் – ராஜேஷ் முருகேசன்
கலை இயக்குநர் – ஜாக்கி, சாபு மோகன்
மக்கள் தொடர்பு – யுவராஜ்
2040ஆம் ஆண்டை மையமாகக் கொண்டு உருவாக்கப்பட்டுள்ள “LIK” திரைப்படம், தமிழ் சினிமாவில் புதுமையான முயற்சியாக திகழ்கிறது. தொழில்நுட்ப வளர்ச்சி உச்சத்தை எட்டிய உலகில் மனித வாழ்க்கை, உணர்வுகள் மற்றும் உறவுகள் எவ்வாறு மாறுகின்றன என்பதை சுவாரஸ்யமாக வெளிப்படுத்தும் இந்த படம், பொழுதுபோக்கையும் சிந்தனையையும் இணைக்கும் ஒரு தனித்துவமான அனுபவமாக இருக்கிறது.
இயக்கம் – விக்னேஷ் சிவன்
இயக்குநர் விக்னேஷ் சிவன், தனது ஸ்டைலிஷ் கதை சொல்லும் முறையை இந்த படத்திலும் சிறப்பாக பயன்படுத்தியுள்ளார். 2040ஆம் ஆண்டின் உலகை கற்பனை செய்யும் விதத்தில் அவர் காட்டிய விஷுவல் அணுகுமுறை மற்றும் திரைக்கதை அமைப்பு பாராட்டத்தக்கது. காதல், நகைச்சுவை, மற்றும் சமூக கருத்துகளை சமநிலைப்படுத்தி, ஒரு முழுமையான சை-ஃபை அனுபவத்தை அவர் வழங்கியுள்ளார்.
நடிப்பு
பிரதீப் ரங்கநாதன் தனது இயல்பான நடிப்பால் படத்திற்கு உயிரூட்டுகிறார். எதிர்கால சூழ்நிலைக்குள் ஒரு சாதாரண மனிதனின் உணர்வுகளை அவர் நன்றாக வெளிப்படுத்தியுள்ளார்.
யோகி பாபு தனது டைமிங் காமெடியால் பல இடங்களில் சிரிப்பை ஏற்படுத்துகிறார்.
கீர்த்தி செட்டி தனது கதாபாத்திரத்தில் அழகும் உணர்ச்சியும் கலந்த நடிப்பை வழங்கியுள்ளார்.
இந்த மூவரின் கூட்டணி படம் முழுவதும் நல்ல ரசனையை உருவாக்குகிறது.
கதைக்களம்
டிஜிட்டல் ஆதிக்கம் கொண்ட 2040 உலகில், மனிதர்கள் தொழில்நுட்பத்தின் மீது முழுமையாக சார்ந்திருக்கும் சூழ்நிலையில், உண்மையான உணர்வுகள் எவ்வாறு மறைந்து போகின்றன என்பதே கதையின் மையமாக அமைகிறது. காதல், தனிமை, மற்றும் மனித உறவுகளின் மதிப்பு போன்றவை சை-ஃபை பின்னணியில் சொல்லப்பட்டிருப்பது படத்தின் முக்கிய அம்சமாகும்.
சில இடங்களில் கதை மெதுவாக நகரும் உணர்வு இருந்தாலும், அது படத்தின் அனுபவத்தை பெரிதாக பாதிக்கவில்லை.
“LIK” ஒரு வித்தியாசமான சை-ஃபை ரொமான்டிக் எண்டர்டெய்னராக திகழ்கிறது. சிரிப்பும், காதலும், எதிர்கால கற்பனையும் இணைந்த இந்த படம், இளைஞர்களுக்கும் புதிய கதைகளை விரும்புபவர்களுக்கும் கண்டிப்பாக பிடிக்கும். 
TN2026–தங்கநட்சத்திரம்(4.5/5)
திரை விமர்சனம்: “சிரிப்பிலும் சிந்தனையிலும் வெற்றி பெற்ற படம்”
ஏப்ரல் 10ஆம் தேதி வெளியான “TN 2026 – தங்க நட்சத்திரம்” திரைப்படம், அரசியல் நையாண்டி மற்றும் காமெடியை இணைத்து, ரசிகர்களிடையே நல்ல வரவேற்பைப் பெற்றுள்ளது. சமகால அரசியல் சூழ்நிலைகளையும், சினிமா மற்றும் அரசியல் இடையேயான தொடர்பையும் சுவாரஸ்யமாக எடுத்துக்காட்டும் முயற்சியாக இந்த படம் திகழ்கிறது.
இயக்கம் – உமாபதி ராமையா
இந்த படத்தை இயக்கியுள்ள உமாபதி ராமையா, அரசியல் கருத்துக்களை நேரடியாகச் சொல்லாமல், நையாண்டி மற்றும் நகைச்சுவை வழியாக மிகவும் எளிமையாக எடுத்துச் செல்கிறார். ஒரு நடிகர் அரசியலுக்குள் நுழையும் போது அவர் எதிர்கொள்ளும் சவால்கள், பின்னணியில் நடக்கும் அதிகாரப் போட்டிகள், மற்றும் பொதுமக்களின் எதிர்பார்ப்புகள் ஆகியவற்றை அவர் சுவாரஸ்யமாக வடிவமைத்துள்ளார். அவரது திரைக்கதை ஓட்டமும், காட்சிகளின் அமைப்பும் படம் முழுவதும் பார்வையாளரை ஈர்க்கும் வகையில் அமைந்துள்ளது.
நடிப்பு
நட்டி நடராஜன் ஹீரோவாக வலுவான நடிப்பை வழங்கியுள்ளார். ஒரு நடிகர்-அரசியல்வாதி கதாபாத்திரத்தின் மனநிலைகளையும் மாற்றங்களையும் அவர் நன்றாக வெளிப்படுத்துகிறார்.
இளவரசு, எம்.எஸ். பாஸ்கர், தம்பி ராமையா ஆகியோர் தங்கள் அனுபவத்தால் படத்திற்கு பெரும் பலம் சேர்த்துள்ளனர். குறிப்பாக, காமெடி காட்சிகளில் இவர்களின் டைமிங் மிகச் சிறப்பாக அமைந்துள்ளது.
இசை – (இசையமைப்பாளர் குறிப்பு)
இந்த படத்தின் இசை மற்றும் பின்னணி இசை காட்சிகளுக்கு ஏற்ப அமைந்து, கதையின் உணர்வை உயர்த்துகிறது. பாடல்கள் மிக அதிகமாக இல்லாவிட்டாலும், வரும் பாடல்கள் கதையுடன் இணைந்து செல்கின்றன. பின்னணி இசை முக்கியமான அரசியல் மற்றும் உணர்ச்சி காட்சிகளில் தாக்கத்தை அதிகரிக்கிறது.
தொழில்நுட்பம்
ஒளிப்பதிவு மற்றும் எடிட்டிங் வேலைகள் படம் முழுவதும் நல்ல ஓட்டத்தை உருவாக்குகின்றன. குறிப்பாக, அரசியல் கூட்டங்கள் மற்றும் மேடை காட்சிகள் இயல்பாக படம் பிடிக்கப்பட்டுள்ளன.
– அரசியல் நையாண்டி மற்றும் நகைச்சுவை கலவையான திரைக்கதை
– வலுவான நடிப்பு அணியினர்
– பொதுமக்கள் எளிதில் தொடர்பு கொள்ளக்கூடிய கதை
– சிந்திக்க வைக்கும் சமூக கருத்துகள்
“TN 2026 – தங்க நட்சத்திரம்” ஒரு சாதாரண காமெடி படம் அல்ல. இது சிரிக்க வைக்கும் அதே நேரத்தில், அரசியலின் பின்னணியில் நடக்கும் உண்மைகளை நையாண்டி வழியாக சுட்டிக்காட்டும் ஒரு நல்ல முயற்சி. இந்த வாரம் குடும்பத்துடன் பார்க்க ஏற்ற, பொழுதுபோக்கும் சிந்தனையும் தரும் திரைப்படமாக இது திகழ்கிறது. 
மிஸ்டர் எக்ஸ் டிரெய்லர் லான்ச்
தமிழ் திரையுலகில் மிகுந்த எதிர்பார்ப்பை ஏற்படுத்தியுள்ள மிஸ்டர் எக்ஸ் திரைப்படத்தின் டிரெய்லர் லான்ச் நிகழ்ச்சி இன்று மிகச் சிறப்பாக நடைபெற்றது. எப்ஐஆர் படத்தின் மூலம் கவனம் ஈர்த்த மனு ஆனந்த் இயக்கத்தில் உருவாகியுள்ள இந்த படம், ராணுவ கதைக்களத்தை மையமாகக் கொண்டு ஒரு பெரிய அளவிலான ஆக்ஷன் அனுபவத்தை வழங்க தயாராக உள்ளது.
இந்த திரைப்படத்தில் ஆர்யா முன்னணி கதாபாத்திரத்தில் நடித்துள்ளதுடன், அவருடன் கௌதம் கார்த்திக், சரத்குமார் மற்றும் மஞ்சு வாரியர் ஆகியோர் முக்கிய கதாபாத்திரங்களில் இணைந்து நடித்துள்ளனர். ஒவ்வொரு நடிகரின் கதாபாத்திரமும் படத்தின் கதையை வலுப்படுத்தும் வகையில் அமைந்துள்ளதாக டிரெய்லர் மூலம் தெரிகிறது.
மெகா பட்ஜெட்டில் உருவாகியுள்ள இந்தப் படத்தை பிரின்ஸ் பிக்சர்ஸ் தயாரித்துள்ளது. டிரெய்லரில் காணப்படும் விஷுவல் காட்சிகள், பெரிய அளவிலான ஆக்ஷன் சீன்கள் மற்றும் ராணுவ பின்னணியின் நிஜத்தன்மை ஆகியவை படத்தின் தொழில்நுட்ப தரத்தை உயர்த்துகின்றன.
இன்று நடைபெற்ற டிரெய்லர் லான்ச் நிகழ்ச்சியில் படக்குழுவினர் அனைவரும் கலந்து கொண்டு படத்தின் அனுபவங்களை பகிர்ந்தனர். இயக்குனர் மனு ஆனந்த், “இது ஒரு சாதாரண ஆக்ஷன் படம் அல்ல; உணர்ச்சியும் தேசப்பற்று உணர்வும் கலந்த ஒரு கதை” என்று குறிப்பிட்டார். நடிகர் ஆர்யா, இப்படத்தில் தனது கதாபாத்திரம் மிகவும் சவாலானதாக இருந்ததாகவும், ரசிகர்களுக்கு புதிய அனுபவமாக இருக்கும் என்றும் தெரிவித்தார்.
டிரெய்லர் வெளியான சில நிமிடங்களிலேயே சமூக வலைதளங்களில் பெரும் வரவேற்பைப் பெற்றுள்ளது. குறிப்பாக ஆக்ஷன் காட்சிகள், பின்னணி இசை மற்றும் காட்சிப்பதிவு ஆகியவை ரசிகர்களிடையே பேசுபொருளாக மாறியுள்ளன.
வரும் 17ஆம் தேதி உலகம் முழுவதும் வெளியாக இருக்கும் “மிஸ்டர் எக்ஸ்” திரைப்படம், பாக்ஸ் ஆபிஸில் பெரிய தாக்கத்தை ஏற்படுத்தும் என எதிர்பார்க்கப்படுகிறது. டிரெய்லர் மூலம் உருவான இந்த எதிர்பார்ப்பு, படத்தின் வெளியீட்டுக்கு முன்பே வெற்றியின் முன்னோட்டமாக கருதப்படுகிறது. 
Love Insurance Kompany (LIK) இசை வெளியீட்டு விழா
மிழ் சினிமாவில் காதல், உணர்ச்சி, மற்றும் இளைய தலைமுறையின் வாழ்க்கை முறை ஆகியவற்றை கலந்த ஒரு தனித்துவமான படமாக உருவாகி இருக்கும் “Love Insurance Kompany (LIK)” திரைப்படத்தின் இசை வெளியீட்டு விழா மிகுந்த உற்சாகத்துடன் நடைபெற்றது. இயக்குனர் Vignesh Shivan தனது வழக்கமான காதல்-காமெடி ஸ்டைலை மீண்டும் இந்த படத்தில் கொண்டு வந்திருப்பது விழாவில் பேசப்பட்ட முக்கிய அம்சமாக இருந்தது. நடிகர் Pradeep Ranganathan மற்றும் நடிகை Krithi Shetty இணையும் இந்த படம் இளம் தலைமுறையினருக்கு மிகவும் நெருக்கமான கதையை சொல்லும் என்று விழா மேடையில் படக்குழு தெரிவித்தது. பல தடைகள் மற்றும் தாமதங்களை கடந்து, ஏப்ரல் 10, 2026 அன்று வெளியீடு ஆகும் இந்த படம், ரசிகர்களிடையே ஏற்கனவே ஒரு எதிர்பார்ப்பை உருவாக்கியுள்ளது. இசை வெளியீட்டு விழாவின் முக்கிய ஹைலைட் – பாடல்கள். மெலடி, காதல், மற்றும் நவீன பீட்ஸ்களின் கலவையாக அமைந்த பாடல்கள், ரசிகர்களின் கவனத்தை ஈர்த்தன. குறிப்பாக காதல் உணர்வுகளை வெளிப்படுத்தும் மெலடி பாடல்கள், Vignesh Shivan படங்களுக்கே உரிய உணர்ச்சியை மீண்டும் நினைவூட்டின.
Love Insurance Kompany (LIK)” திரைப்படத்தின் இசை வெளியீட்டு விழா itself ஒரு காதல் கொண்டாட்டமாக அமைந்தது. பாடல்கள் மற்றும் படக்குழுவின் நம்பிக்கை, இந்த படம் ஒரு feel-good ரொமான்டிக் ஹிட்டாக மாறும் என்ற எதிர்பார்ப்பை அதிகரிக்கிறது. தாமதங்களை தாண்டி வரும் இந்த படம், ரசிகர்களின் மனதில் இடம்பிடிக்குமா என்பது ஏப்ரல் 10-ல் தெரிய வரும். 
மனிதன் தெய்வமாகலாம்
Rating: 3.5/5
திரைப்படம் வருகிற 10-ந்தேதி திரையரங்குகளில் வெளியாக உள்ளது.
டிரிப், தூக்குத்துரை ஆகிய படங்களின் இயக்குநர் டென்னிஸ் மஞ்சுநாத் இயக்கத்தில் உருவாகியுள்ள திரைப்படம் ‘மனிதன் தெய்வமாகலாம்’. விஒய்ஓஎம் என்டர்டெயின்மென்ட் நிறுவனம் தயாரித்துள்ள இந்த படத்தில் இயக்குநர் செல்வராகவன் கதாநாயகனாக நடித்துள்ளார். மேலும் குஷி ரவி, ஒய்ஜி மகேந்திரன், கவுசல்யா, கவுசி ரவி, மைம் கோபி உள்ளிட்ட பலர் நடித்துள்ளனர்.
படத்தின் முக்கிய பலம் அதன் கிராமத்து பின்னணி. அந்த கிராமத்தில் ரோடு வசதி இல்லாமை, மின்விளக்கு பிரச்சனை போன்ற அடிப்படை தேவைகள் குறித்த சிக்கல்கள் மிகவும் இயல்பாக காட்டப்பட்டுள்ளன. இது பார்வையாளர்களுக்கு நம்ம சுற்றிலும் நடக்கிற வாழ்க்கையை நினைவூட்டும் வகையில் அமைந்துள்ளது.
கதாநாயகனாக செல்வராகவன் தனது அனுபவத்துடன் இயல்பான நடிப்பை கொடுத்து கதையை முன்னேற்றுகிறார். அவருடன் குஷி ரவி மற்றும் மைம் கோபி உள்ளிட்டோர் நடித்திருந்தாலும், சில கதாபாத்திரங்கள் முழுமையாக வலுப்படுத்தப்படாமல் போனது ஒரு குறையாக உணரப்படுகிறது.
இயக்குனர் ஒரு சமூக கருத்தை மட்டும் சொல்லாமல், அதோடு சேர்த்து இன்னொரு சுவாரஸ்யமான கதையையும் இணைத்திருக்கிறார். இந்த இரண்டு கோணங்களும் சில இடங்களில் நல்ல ஈர்ப்பை தருகின்றன. ஆனால், திரைக்கதையில் ஆங்காங்கே சற்று தடுமாற்றம் இருப்பது படத்தின் ஓட்டத்தை பாதிக்கிறது.
இந்த படம் ஒரு சாதாரண மனிதன் சமூகத்தில் எதிர்கொள்ளும் பிரச்சினைகள், மனிதநேயம், நம்பிக்கை போன்ற அம்சங்களை மையமாகக் கொண்டு நகர்கிறது. “ஒரு மனிதன் தெய்வமாக மாற முடியுமா?” என்ற கேள்விக்கான பதிலை சிந்திக்க வைக்கும் வகையில் கதை அமைந்துள்ளது.
சில இடங்களில் திரைக்கதையில் சிறிய தடுமாற்றங்கள் இருப்பது உண்மை. குறிப்பாக சில காட்சிகள் மேலும் வலுப்படுத்தப்பட்டிருந்தால் படம் இன்னும் உயர்ந்த நிலையை அடைந்திருக்கும். ஆனால், மொத்தத்தில் படம் சொல்ல வருகிற கருத்து தெளிவாக பார்வையாளர்களை சென்றடைகிறது.
இசை ஏ.கே. பிரியன் மற்றும் பின்னணி இசை காட்சிகளின் உணர்ச்சியை அழகாக எடுத்துச் செல்கிறது. ஒளிப்பதிவு ரவி வர்மா. கே
மற்றும் எடிட்டிங் தீபக் படத்தின் சூழ்நிலையை நன்றாக வெளிப்படுத்துகிறது.
மனிதன் தெய்வமாகலாம்’ ஒரு முழுமையான வணிகப் படம் அல்ல; ஆனால் இது ஒரு கருத்து மிக்க, மனிதநேயத்தை பேசும் படம். சிறிய குறைகள் இருந்தாலும், நல்ல நோக்கத்துடன் உருவான இந்த திரைப்படம் ரசிகர்களிடம் நல்ல வரவேற்பைப் பெறும் வாய்ப்பு அதிகம். 
Kaakee Circus
Z5 Series 2026
Rating: 3.5 / 5
ஏப்ரல் 10 அன்று ZEE5-யில் வெளியான இந்த 7 எபிசோட்கள் கொண்ட வெப் சீரிஸ், ஒரு வித்யாசமான கதைக்களத்தால் ஆரம்பத்திலேயே கவனம் ஈர்க்கிறது. “ஜெயிலில் உடைக்க வருவது தப்பிக்க அல்ல… திருட!” என்ற ஐடியா தானே ஒரு பெரிய ஹுக். கோவிலின் ஹுண்டியல் திருட்டு—அதுவும் ஜெயிலுக்குள்ளே நடப்பது—சரியாக ஹ்யூமர் + மிஸ்டரி கலந்த ஒரு சுவாரஸ்யமான அனுபவத்தை தருகிறது.
இயக்குனர் Ameen Barif இந்த அப்சர்ட் கதையை லைட்-ஹார்ட்டாக சொல்ல முயற்சித்துள்ளார். ஜெயிலர் ஒரு புத்தக பைத்தியம், அவருடன் வேலை செய்யும் கான்ஸ்டபிள் இவர்களின் காமெடி டைமிங் சில இடங்களில் நன்றாக வேலை செய்கிறது. குறிப்பாக Munishkanth அவர்களின் நேச்சுரல் காமெடி, சீரிஸ்க்கு பலம் சேர்க்கிறது. Subash Selvam மற்றும் Rajesh Madhavan அவர்களும் தங்கள் கதாபாத்திரங்களுக்கு உயிர் கொடுத்துள்ளனர். Gowthami அவர்களின் பிரஸன்ஸ் ஒரு சிறிய வெயிடேஜ் கொடுக்கிறது.
• யூனிக் & அப்சர்ட் ஸ்டோரி ஐடியா
• சில எபிசோட்களில் நன்றாக வேலை செய்யும் காமெடி
• மிஸ்டரி + வைரல் கல்ச்சர் (வான்னா-பி டிடெக்டிவ்ஸ்) இணைப்பு புதுசாக உள்ளது
• Vibin Baskar இசை சில இடங்களில் நல்ல பின்புலத்தை உருவாக்குகிறது
• Neeraj Revi ஒளிப்பதிவு neat-ஆ இருக்கிற
Episode 1 – “திருட வந்தவன் யார்?”
முதல் எபிசோடே கதை ஹுக் கொடுக்கிறது. ஜெயிலுக்குள் உடைப்பு நடப்பது ஒரு ஷாக்கிங் தொடக்கம். ஜெயிலர் (புத்தக பைத்தியம்) மற்றும் கான்ஸ்டபிள் ரியாக்ஷன்கள் நகைச்சுவையாக இருக்கும்.
——————–
Episode 2 – “ஹுண்டியல் மர்மம்”
கோவில் ஹுண்டியல் திருட்டு பற்றி விசாரணை ஆரம்பமாகிறது. இந்த எபிசோடில் கதையின் ப்ளாட் கொஞ்சம் கிளியர் ஆகிறது.
——————–
Episode 3 – “வைரல் டிடெக்டிவ்ஸ் என்ட்ரி”
Wannabe detective duo வருவது சீரிஸ்க்கு ஒரு fun layer சேர்க்கிறது. Social media angle interesting.
——————–
Episode 4 – “சந்தேகங்கள் அதிகம்”
பல characters மீது சந்தேகம் திரும்புகிறது. Suspense
Episode 5 – “காமெடி vs மிஸ்டரி”
இந்த எபிசோடில் காமெடி அதிகமாக இருக்கும். Munishkanth performance highlight.
——————–
Episode 6 – “உண்மை வெளிச்சம்?”
Climax build-up ஆரம்பமாகிறது. சில twists reveal ஆகும்.
——————–
Episode 7 – “முடிவு – சரியா?”
Final episode முடிவை கொடுக்கிறது. Story முடிகிறது, ஆனால் முழு satisfaction இல்லாமல் விடுகிறது.
——————–
இயக்குனர் Ameen Barif ஒரு புதுசான ஐடியாவை எடுத்துள்ளார். Subash Selvam, Rajesh Madhavan, Gowthami ஆகியோரின் நடிப்பு decent. Vibin Baskar இசை மற்றும் Neeraj Revi ஒளிப்பதிவு technically நல்ல support கொடுக்கிறது.
சுரசத்தை மூட்டு… சிந்திக்க வைக்காத மிஸ்டரி!” 
TN 2026 – Thanga Natchathiram பத்திரிக்கை & ஊடக சந்திப்பு – பிரமாண்டமாக நடைபெற்றது!
தமிழ் திரைப்பட உலகில் அரசியல் நையாண்டி வகையில் பெரும் எதிர்பார்ப்பை உருவாக்கியுள்ள TN 2026 – Thanga Natchathiram படத்தின் பத்திரிக்கை மற்றும் ஊடக சந்திப்பு நேற்று சிறப்பாக நடைபெற்றது. இந்த விழா ஒரு சாதாரண நிகழ்வாக இல்லாமல், திரை உலகமும் அரசியல் உலகமும் ஒன்றாக கலந்த ஒரு உற்சாகமான மேடையாக அமைந்தது.
இந்த நிகழ்ச்சியில் இயக்குநர் Umapathy Ramaiah தலைமையில், படத்தின் முக்கிய நடிகர்கள் Natty Natraj மற்றும் Thambi Ramaiah உட்பட பலர் கலந்து கொண்டனர். மேடையில் இருந்த அனைவரும் படத்தின் உருவாக்க அனுபவங்களை பகிர்ந்து, படத்தின் கரு மற்றும் அதன் சமூகப் பின்னணியை பற்றி ஆழமாக பேசினர்.
படத்தின் பேனர், மேடை அலங்காரம் மற்றும் ஒளி அமைப்புகள்—all combined—ஒரு தேர்தல் கூட்டம் போன்ற உணர்வை ஏற்படுத்தியது. குறிப்பாக “TN 2026” என்ற தலைப்பு itself அரசியல் சூழ்நிலையை நேரடியாக பிரதிபலிப்பதாக இருந்தது.
இந்த திரைப்படம் ஏப்ரல் 10, 2026 அன்று திரையரங்குகளில் வெளியாக இருக்கிறது. ரசிகர்கள் மட்டுமின்றி, அரசியல் ஆர்வலர்களிடமும் இந்த படம் பெரும் எதிர்பார்ப்பை ஏற்படுத்தியுள்ளது 
லீடர் ரேட்டிங்: 4.2/5
Leader திரைப்படம் வெளியான முதல் நாளிலிருந்தே தியேட்டர்களில் நல்ல வரவேற்பைப் பெற்று, குடும்ப ரசிகர்கள் முதல் மாஸ் ரசிகர்கள் வரை அனைவரையும் கவர்ந்துள்ளது. Good Friday வெளியீடு இந்த படத்துக்கு கூடுதல் பலமாக அமைந்துள்ளது
இயக்குனர் R. S. Durai Senthilkumar இந்த படத்தில் ஒரு சாதாரண ஆக்ஷன் கதையை மட்டும் சொல்லவில்லை. அப்பா – மகள் உறவை மையமாக வைத்து, அதில் ஸ்பை த்ரில்லர் எலிமென்ட்ஸை அழகாக இணைத்துள்ளார்.
ஒரு அமைதியான வாழ்க்கையில் இருந்து மீண்டும் போர்க்களத்துக்கு வரும் ஹீரோவின் பயணம் – ரசிகர்களை ஈர்க்கும் விதமாக திரைக்கதையில் அமைந்துள்ளது. படத்தின் ஒவ்வொரு திருப்பமும் தியேட்டரில் கைதட்டல்களை பெற்றுக்கொள்கிறது
Legend Saravanan – முந்தைய படங்களை விட இம்முறை மிகவும் கனமான, சீரியஸ் கதாபாத்திரத்தில் வருகிறார். ஆக்ஷன் சீன்களில் மேம்பாடு தெரிகிறது. Andrea Jeremiah – போலீஸ் மற்றும் ஸ்ட்ராங் ரோலில் நல்ல ஆதரவு. Shaam – கதைக்கு முக்கிய துணை. Payal Rajput – கதைக்கு தேவையான எமோஷனும் சேர்க்கிறார். Lal – அனுபவம் தெரியும் வகையில் நடிப்பு. Santhosh Prathap (Devil) – வில்லனாக மிரட்டும் ப்ரெசென்ஸ்.
இசையமைப்பாளர் Ghibran இந்த படத்தை ஒரு லெவல் மேலே எடுத்துச் செல்கிறார்.
BGM தியேட்டரில் முழு அனுபவம் தரும் வகையில் அமைந்துள்ளது.
Pradeep E Ragav
அவரின் எடிட்டிங் ஸ்டைல் இந்த படத்தில் மிகவும் ஸ்பீடாகவும் கிரிஸ்பாகவும் அமைந்து, ஆக்ஷன் மற்றும் த்ரில்லர் சீன்களுக்கு நல்ல டெம்போ கொடுக்கிறது.
லீடர்” – மக்கள் ரசிக்கும் முழு எண்டர்டெயின்மெண்ட் படம்! ஆக்ஷன், எமோஷன், ஸ்பை த்ரில்லர் – மூன்றையும் சமநிலையாகக் கலந்து, ரசிகர்களுக்கு திருப்தி அளிக்கும் படமாக உருவாகியுள்ளது. 
“மனிதன் தெய்வமாகலாம்”
இசை வெளியீட்டு விழா
நேற்று நடைபெற்ற மனிதன் தெய்வமாகலாம் திரைப்படத்தின் இசை வெளியீட்டு விழா, படத்தின் தரத்தையும் அதன் பின்னணி உழைப்பையும் வெளிப்படுத்திய ஒரு சிறப்பான நிகழ்வாக அமைந்தது. மேடையே ஒரு கிராமத்து உணர்வை பிரதிபலிக்கும் வகையில் அலங்கரிக்கப்பட்டிருந்தது.
இந்த படத்தில் கதாநாயகனாக செல்வராகவன் நடித்திருப்பது மிகப் பெரிய ஹைலைட். ஒரு தனி அடையாளம் தரும் என்று விழாவில் பேசப்பட்ட உரைகளிலேயே தெரிந்தது. கதாநாயகியாக குஷி ரவி நடித்திருப்பது, படத்திற்கு மென்மையான உணர்ச்சி பரிமாணத்தையும் சேர்க்கிறது.
சப்போர்ட்டிங் கேரக்டர்களில் கௌசல்யா, ஒய் ஜி மகேந்திரன், மைம் கோபி, சதீஷ் ஆகியோரின் அனுபவமும் திறமையும் இந்த படத்தின் கதைக்கு வலுவான ஆதாரமாக இருக்கும் என்று எதிர்பார்க்கப்படுகிறது.
இயக்குனர் டென்னிஸ் மஞ்சுநாத் இந்த படத்தை உண்மை கலந்த Family Drama என்ற இரு கோணங்களிலும் உருவாக்கியுள்ளார். ஒரு உண்மை சம்பவத்தை அடிப்படையாகக் கொண்ட இந்தக் கதை, கிராம வாழ்க்கையின் நிஜ முகத்தையும் மனித உணர்ச்சிகளின் ஆழத்தையும் வெளிப்படுத்தும் என்று இசை வெளியீட்டு விழாவில் தெளிவாக உணரப்பட்டது.
இசையமைப்பாளர் ஏ கே ப்ரியன் வழங்கிய பாடல்கள், மெலடி மற்றும் உணர்ச்சி கலந்தவை. பின்னணி இசை படத்தின் உண்மையான வாழ்வாயும் மற்றும் சென்டிமென்ட் இரண்டையும் உயர்த்தும் வல்லமை கொண்டதாக இருக்கும் என நம்பிக்கை அளித்தது. ஒளிப்பதிவாளர் ரவிவர்மன் இந்த படத்திற்கு கிராமத்தின் இயற்கை அழகை திரையில் அழகாக பதிவு செய்திருப்பார் என்ற எதிர்பார்ப்பு அதிகம்.
தயாரிப்பாளர் விஜயா சதீஷ் (Vyom Entertainments) இந்த படத்தை மிகுந்த நம்பிக்கையுடன் தயாரித்துள்ளார். விழாவில் அவரின் பேச்சு, இந்த படத்தின் மீது உள்ள அக்கறையையும் உறுதியையும்